Testo di 'Karta Pa Cabral' di Rapaz 100 Juiz

Xan sunhá ku midjor
Ti k'm odja sol
Ka bu corda ser um
Mim é um sunhador
Na sonhu hum dau mó
Hum corda midjor
N'ta continua ta spera di nós
Ta spera ma, man ka sa spera mi só
Ma n'ka sa spera mi só
N'ta spera ma n'ka sta mi só

Es flam PNC, ser mas cuidadoso ku bus letra é perigoso
Odja kusé ki kontice ku Renato Cardoso
Má keli é nha terra, é nha povo
Nha vergonha, má també nha orgulho
10 ilha 24 cidadi
Nu podi até passa necessidadi
Má li cidade nu teni avontadi

Cadia sta xeio, salto alto e facto
Munti lavagem capital, absurdo
E tinda nós capital sta sujo
E na jornal sai scrito pa mundo
Ma na africa tudo nós é di kel menus kurrupto
Nu ta squeci faxi, brankus ta torna volta tudo
Povo ta odja tudo, má povo é mudo
Nu sa spera mas figura morri
Sta mas aeroporto pa nu poi nomi
Turismo ké nós forti
Tem bom turismo sexual, na boavista e na sal
"Não temos fomi em kabu verdi"
Yeh ministra, só si kabu verdi é nomi bu kuzinha
Es ka ta odja nós dor
Ses kasa tem vista pa mar
Oposisom ou situasom é igual

Keli é pa bó
Ki teni kabu verdi na petu
Nu ta reppa lado a lado, pa nu djobi kel certu

Keli é pa bó
Ki teni kabu verdi na petu
Nu ta reppa lado a lado, pa nu djobi kel certu
Kel certu...

Inda nem tudu ka sta klaru
Mesmu dipos di klaridadi
Ma n'sa carrega es fardu
N'kre midjora sociedadi
E li sta mó farmácia, xeio alcool e droga
Bala perdido sta atxado, ki ka atxado é pistola
Junventudi tras di money, festa e som
Keli é nha manifestasom
Discurso, universidade, qualidade, bom scola
Realidade, ses fidju tudu studa fora
Es ki divia daba ixemplu
Mas es é primeru
Na briga dentu parlamentu
Aborda temas sem fundamentu
Inda es sa riclama ma jovens sta violentu
Djobi quem ki sa dicuti, futuro nós pais
Era es ké pa txomba rapaz sem juiz
Da qui a nada podi spera
Nu tem ki pidi vistu pa nu atera
Na Sal Rei ou na Espargos, ki era nós terra
Mi é livri pam dispasa nhas ideias, democracia
Ma tinda n'ka dispaxa tudo, la terra borocracia
Si bu sa spera midjor, dexan odja bu mó
E podi tem certeza, mó ka sa spera bó só

Xan sunhá ku midjor
Ti k'm odja sol
Ka bu corda ser um
Mim é um sunhador
Na sonhu hum dau mó
Hum corda midjor
N'ta continua ta spera di nós
Ta spera ma, man ka sa spera mi só
Ma n'ka sa spera mi só
N'ta spera ma n'ka sta mi só
N'ta spera ma n'ka sta mi so