Testo di 'Fareweel You Silver Darlins' di The Tannahill Weavers

When this world was younger, I fished the ocean sae deep and wide
But noo these days are flotsam and washed up wi' the tide
I sit hame starin' at the fire, too young tae gledly be retired
And mind on a' they guid days before we had tae say

Chorus:
Fareweel ye silver darlin's
Nae mair we'll trawl those North Sea shoals
We left the auld girl in the harbour
Nae mair tae feel the ocean's roll.

My faither worked the trawlers, his auld man did the very same
For a' the fowk in this toon the fishin' was their game
A way of life grew auld and grey, the young move oot or waste away
They've never kenned the guid days before we had tae say

Chorus

When this world was younger, the hale toon worked on this empty quay
The fleet streetched oot afore me as faur as I could see
Noo at the harbour I maun staun, and count the ships on baith my hauns
And mind on a' they guid days before we had tae say

Chorus

Aye noo the harbour's empty, like a' the poackets in this auld toon
The government will help ye, aye we'll a' flee tae the moon
And noo the streets in front o' me are deid just like the very sea
What happened tae the guid days before we had tae say

Chorus

There's rules and regulations and laws that naebody understands
They're fishing here frae a'place but we must bide on land
Some o' us still earn a crust while other boats just turn tae rust
And mind on a' they guid days before we had tae say

Chorus