Testo di 'Poschtiigang' di Adrian Stern

Immer wänn er ihre schriibt
Chunt sini nachricht nöd aa
Und wänn sie gliich emal achunnt
Dänn immer paar wuche z’schpaht

En antwort uf sini messidsch
Chunnt nume sälte sofort
Und falls mal gliich öppis zruggchunnt
Dänn schtönd det drin nur di ganz falsche wort

Er schtellt sich vor wie schön dass’ wär
Und ihri ziile wäred nöd so leer
Doch er git nöd uuf, warted scho vill z’lang
Uf es wunder i sim poschtiigang

Wänns i sim hosesack rumoret
Freut er sich jedesmal z’früeh
Und es wiiters handy flügt in egge
Will wäge ihre, rumorets fascht nie

Er schtellt sich vor wie schön dass’ wär
Und er wäri ihre es paar ziile wert
Doch er git nöd uuf, warted scho vill z’lang
Uf es wunder i sim poschtiigang

Schtund um schtund frag um frag
Het sie hüt nur en miese tag, oder
Liit sie grad amne schöne strand
Splitternakt und mit null empfang
Schtund um schtund immer frag um frag, vilicht
Het sie längschts scho en andre ma, und be-
Chunnt vo ihm hüt en ehering, sicher
Het sie morn scho gnueg vo ihm

Er schtellt sich vor wie schön dass’ wär
Und di richtig z’finde wäri halb so schwer
Doch er git nöd uff, über churz oder lang
Gits es wunder i sim poschtiigang