Testo di 'Sälber schuld' di Brandhärd

Ych will euch nid nur hinterhärrenne wie dr johny bravo
Sofort vo null uf hundert und am schluss bisch nid mol aachoo
Ohni euch wär s'läbe farblos, partys wo kein me aastoht
Telefon wo kein me draagoht und d'männerwält verwahrlost
All die machos sin plötzlich verzwyyfled und machtlos
Wenn sie gschniegled am barfi stöhn und niemer sie abholt
Aber was solls? bi mir ändret sich wenig
Ych triff kollege wo plötzlich zytt hän und blyyb single uf ewig
Bi mir isch's uf immer erledigt, das leidige thema
Ha mr vorgnoh und yyghalte bis-y s'neggscht meitli so gseh ha
Wow, die bei sind scho mega und das lächle macht mi eh scharf
Alli verspräche vergässe, ych heb ab wie d'rega
S'isch als hätt-y lepra, mi körper macht was är will
Mi verstand geg mi instinkt, verdammt das git e schwärs spiel
Denn alk het mi schärz tilgt, aber setzt au dr grundstei
Für die neggscht dummheit, fetch uf pirsch bedütted unheil

S'isch wie verhäxt, mit euch klappts nid wie mit beats und raps
Und ych weiss mi yysatz isch nid grad vo yyfer prägt
Doch wenn mr permanänt mit sine zwyyfel läbt
Sin dr wie ryychtum für penner: schyyr z'witt e wägg
S'lauft mr d'zytt e wägg, ych ha scho lang kei geduld me
Doch bi euch litt nid dr fehler, y muess mr sälber d'schuld geh

Ych schaffs nid uf fraue zuezgoh, als obs mi job sig
Und anstatt sie in rueh z'loh z'behaupte sie sige mi hobby
Vorhär bin-y übel zwäg gsi und ha gmeint bald kotz-y
Doch denn bisch du cho wie d'erlösig und jetzt bin-y top fit
Ych glaub nid, dass' a mim kopf litt, nei mi härz hett gschmärzt
Nur stächend und schleppend pocht als gängts abwärts
Aber denn du weisch jo was passiert isch, kunnsch du zu miner erliechtrig/ diräkt an mi tisch, ych frog ob mit mr e bier trinksch
Du bejohsch, dr källner serviert gschwind, wow e erschte liechtblick/ dr dj spielt mi liebschts lied, aber mi interessierts nid/ wil ych ha nur auge für di, denn du verzauberisch mi
Amors ryych isch überall und mir tauche drinn yy
Wild entflammti küss eine uns, berusche und zeige uns
Dass s'grosse glück meischtens in süesser begleitig kuntt
Plötzlich zuck-y zämme, dreih mi um, was isch passiert, was?
Ey fuck! alles nur träumt, dini lippe dr rand vo mim bierglas

S'isch wie verhäxt, mit euch klappts nid wie mit beats und raps
Und ych weiss mi yysatz isch nid grad vo yyfer prägt
Doch wenn mr permanänt mit sine zwyyfel läbt
Sin dr wie ryychtum für penner: schyyr z'witt e wägg
S'lauft mr d'zytt e wägg, ych ha scho lang kei geduld me
Doch bi euch litt nid dr fehler, y muess mr sälber d'schuld geh

In sache party ha, bin-y immer erschte kandidat
Doch ych stell mich tappig aa wie langläufer us afrika
Sobalds um ladies goht und drum: wie machsch sie aa?
Wil entwäder z'brachial oder samtweich wie vaginas
Frog mi oft: wie mach ych das, damits mit miner absicht klappt?
Denn mich und mini adidas bringsch oft nur no mit schnaps in fahrt/ und wenn sich dä mit mim wahnsinn paart, wird's euch nümm gfalle/ will sich mi wortschatz beschränkt uf „geil" und „gib mr fünf aldde"/ mir stinkts wie müllhalde, doch y cha mi nid öffne/ wenn ych e frau vergöttre wo mich flasht wie cola löffle/ wil wenns ums härz goht wärde zwyyfel rächt gross
Standpauke sin zwäcklos, egal ob jetzt oder näggscht mol
Wil wenn mi rap rollt, will-y nid nur spese als wägzoll
Nei mängmol will au mi hängscht us sim hoosestall
Uf e klyyne ussritt in die wält so gross und kalt
Aber sobald är uf schicksals harte bode knallt
Kehrt är zrugg an dä ort wo's ihm am beschte zum wohne gfallt

S'isch wie verhäxt, mit euch klappts nid wie mit beats und raps
Und ych weiss mi yysatz isch nid grad vo yyfer prägt
Doch wenn mr permanänt mit sine zwyyfel läbt
Sin dr wie ryychtum für penner: schyyr z'witt e wägg
S'lauft mr d'zytt e wägg, ych ha scho lang kei geduld me
Doch bi euch litt nid dr fehler, y muess mr sälber d'schuld geh