Testo di 'Tegno Bota' di Herman Medrano

tegno bota, cueo che vedo no me piase
tegno bota, tuti para basso e tase
tegno bota, ben lontan dai maeani
chi se fa i cassi sui vive sento ani

l'inportante nea vita xe avere ch'el de pi
l'inportante xe che no te meo domandi proprio a mi
vivo e robe pi seme, mai e pi estreme
ma moeme, tiro vanti a besteme
metri sora metri ben distante dae caene
litri sora litri pa ea' banca del seme
mi no me sbragagno l'argagno in bagno
me sparagno, me el pi dee volte mea magno
mi no voio ea' tosa, ea' xe na scusa
chi che zoga col fogo no xe vero ch'el se brusa
ma mi no vago in discoteca a fare numaro
so dieze che te trovi pare che te parli bulgaro
tegno, altro che bota, go ea' risposta pronta
che se no ea' brusa, almanco ea' scota
serte se crede grande, serte massa bee
serte tosatee magna pastee come caramee

me piase cuee che ga scorsa, che se giostra
che ga forsa, che no se mete soeo in mostra
ma xe incredibie, anca el pi sensibie
capisse e notissie e no ea' dona difissie
cuee dei petegoessi come missii
che lavora soto come somergibii
el tenpo che svoea e te ghe na vita soea
co eo''re no te moea e te suga anca ea' megoea
ea' vita, saria beo daghe na svolta
ma ea' sfiga, no te se dove che ea' te porta
mi no me desmenrtego da dove che vegno
mi no me desmentego e xe robe che ghe tegno
camponogara ga poche fabriche e xe sana
na giungla de panoce, vigneti e mariuana
te dago un consiglio dal cuore
co i tenpi che core, meio un moroso agricoltore

seto a mi cuante che me ne piasaria
sento ghe ne vedo e sento me ne ingrumaria
stago tento ogni tanto fasso el semo
no xe, na cuestion de schei, se te voi ghe ne parlemo
te me domandi cossa che me passa pa ea' testina,
stare da soeo xe come limonasse na gaina
sbauchina, bisteche de faina ogni matina
ma el se inpapina e ea' fajana eo' inbaina
co poco so denro e co poco me diverto
serto, go e fassine tute ben al cuerto
go ch'el rabiozesso e no so bon de stare chieto
ma so un ometo, oramai da un bel tocheto!
Serte robe no me toca e no me sfiora
specie, parche' credevo ea' fusse tuta naltra roba
ma co te credi de stare fora ea' vita xe na roda
e to nuora te caga naltra nevoda?