Testo di 'Blattschuß' di Kurt Ostbahn

Tuast immer no brav beten vorm Schlafengehn auf d´Nocht
Daß morgen es Pech an Tog nua Urlaub mocht
Aber morgen geht ollas weiter genau wies heute war
Wachst auf und stirbst auf Raten. Wieso is da ned klar.

Des wird a Blattschuß - Schee ausn Hinterhalt
Des war a Blattschuß - Ned zum ersten Mal daß ma dir in Ruckn fallt
Mit lauter scheene Liagn - Blattschuß - 10 zu 0 für die wos di ruiniern

Wo ma her san do geht des Altwern schnö
Schnölla ois wos guat is vabrennst da do dei Fö
Wost a mochst, wost probierst
Do zahlst nua drauf bis daßd krepierst

"I bin dei Julia", host gsogt, "Du bist mei Romeo"
A Zeitlang host a glaubt des is wirklich wahr
Aber des Traman host valernt in de Jahr
Und heute glaubst an nix

Da näxte Blattschuß - haarscharf zwischen d´Augen
Blattschuß - du liagst da was vua sagst es tuat ned weh
Sie ham di im Visier und - Blattschuß.
A falscher Schritt, a Schritt und des Liacht is aus.

I waaß no guat wiast früher warst.
Siech di genau vor mia, du warst zum Gwinnen gmacht, sicher ned zum Valiern.
Ja, da war ma tanzen an an Freitog aufd Nacht.
De Luft zum Schneidn die Hüttn voll bis unters Dach.
Mia ham gschrian und mia ham brüllt weil de Musik war so laut,
Auf amoi nimmst mei Hand und i denk ma: Was se de so traut.
Du ziagst mi auf mia fangen ins Tanzen an.
Mitten unter d'Leit de woan für uns nimma do.

Dann siech i di gestan Nacht über d´Straßn geh.
I renn da noch und ruaf "Heast bleib doch steh".
Du wartst in ana Einfahrt aufs End vom Regn.
I hol di ein, sog "Scho lang nimma gsehn".
Du drahst di her glei wieder weg.
Als woitast di verkräun in irgendan Versteck.

Blattschuß - haarscharf zwischen d Augn.
Blattschuß - de Welt is für di a anzige Falln.
Blattschuß - der sitzt tiaf drin im Herz.
Blattschuß - Es is so weit, daß di dei Angst scho wehrlos mocht.
Blattschuß - sie ham di im Visier.
A falscher Schritt, a Schritt und du gehst in d Knia.
Blattschuß - sie ham di im Visier.
Waaßt nimma wia ma gspiat, hast valernt wia ma si wehrt.
Blattschuß - nimma lang und es Liacht is aus.
No a Blattschuß - päng - päng - es is vorbei.